Caput CXIVLiber Psalmorum

1. 1Alleluja. Dilexi, quoniam exaudiet Dominus vocem orationis meæ.
2. 2 Quia inclinavit aurem suam mihi, et in diebus meis invocabo.
3. 3 Circumdederunt me dolores mortis ; et pericula inferni invenerunt me. Tribulationem et dolorem inveni,
4. 4 et nomen Domini invocavi : o Domine, libera animam meam.
5. 5 Misericors Dominus et justus, et Deus noster miseretur.
6. 6 Custodiens parvulos Dominus ; humiliatus sum, et liberavit me.
7. 7 Convertere, anima mea, in requiem tuam, quia Dominus benefecit tibi :
8. 8 quia eripuit animam meam de morte, oculos meos a lacrimis, pedes meos a lapsu.
9. 9 Placebo Domino in regione vivorum.